Deprecated: stristr(): Non-string needles will be interpreted as strings in the future. Use an explicit chr() call to preserve the current behavior in /var/www/vhosts/zgjohushqiptar.com.al/zgjohushqiptar.al/wp-content/plugins/a2-w3-total-cache/lib/W3/PgCache.php on line 1054
Deputeti i PD-së, antishqiptari Rusmali votoi “pro”, Idrizi e Gjiknuri “kundër” raportit te Dick Martyt | My CMS

Deputeti i PD-së, antishqiptari Rusmali votoi “pro”, Idrizi e Gjiknuri “kundër” raportit te Dick Martyt

Kryetari i delegacionit të Shqipërisë në Asamblenë Parlamentare të Këshillit të Europës, Ilir Rusmali, voton pro rezolutës së Dick Marty-t. Vota e deputetit Ilir Rusmali është e pasqyruar në faqen zyrtare të Asamblesë Parlamentare të Këshillit të Europës dhe është konfirmuar edhe nga kolegët e tij shqiptarë të ndodhur në Strasburg.Edhe pse pas momentit te votimit rezultatet online se si votoj delegecaioni Shqiptar nuk eshte bere publik,por vetem disa ore me mbas lista e saj zyrtare u shpall ku nxori se kryetari i delegacionit tone votoj  pro rezolutës që akuzon UÇK-në.Shume gazetare Shqiptare jane përpjekur të kontaktojnë me deputetin e Partise Demokratike Rusmali, megjithëse ky i fundit, pas votimit ka mbyllur telefonin. Pjesa tjetër e delegacionit shqiptar ka dhënë votën kundër. Deputetët Damian Gjiknuri dhe Shpëtim Idrizi kanë votuar kundër rezolutës së Dick Marty-t.

Vota kundër
Pjesa tjetër e delegacionit shqiptar është shprehur kundër raportit të Dick Marty-t, duke e cilësuar atë si pjesë e fabrikimeve nga qarqet sllave kundër lidershipit të Kosovës. “Zoti Reporter, i nisur nga indiciet e një libri, me iniciativë ruse, me ndihmën e Serbisë, i etur për publicitet, tenton pa asnjë provë nëpërmjet një raporti, të vendosë në bankën e akuzës: Bashkimin Europian, SHBA, Kosovën, Shqipërinë, Hashim Thaçin dhe UÇK-në”. Këto janë fjalët e para me të cilat deputeti Shpëtim Idrizi është shprehur përpara Asamblesë Parlamentare të Këshillit të Europës. Të deleguarit nga Shqipëria deklaruan se raporti i Marty-t është përpiluar me iniciativën ruse dhe me ndihmën e Serbisë. Qëllimi i raportit është publiciteti pa dëshmi konkrete si dhe ngritja e akuzave të pabaza kundër Bashkimit Europian, Shteteve të Bashkuara të Amerikës, Kosovës, Shqipërisë dhe Hashim Thaçit. Pala kosovare i ka quajtur akuzat të pabaza dhe ka kërkuar përgjegjësinë e europarlamentarit nga Zvicra. Akuza të ngjashme për krime janë ngritur edhe më parë prej ish-prokurores së Tribunalit të Hagës për Krimet në ish-Jugosllavi, Carla del Ponte. Deputeti Idrizi ka hedhur kategorikisht poshtë raportin e Dick Marty-t për trafikimin e organeve. “Serbia e Milosheviçit ka përdorur furrat e fabrikave për të zhdukur kufomat nga frika e ndëshkimit ndërkombëtar, ndërsa sot paraqet shqiptarët si xhelatë”, tha deputeti Idrizi në fjalën e tij. Deputeti Idrizi ka bërë me dije në Asamblenë Parlamentare të Këshillit të Europës që Dick Marty të paraqesë dëshmitë e tij në lidhje me raportin që ka hartuar. “Në raportin tuaj nuk ka të paktën një emër të vdekuri që i kanë marrë organet! Mirë dëshmitarët e gjallë që kanë frikë, po të vdekurit pse mungojnë në raportin tuaj?”, i është drejtuar deputeti Idrizi, Dick Marty. “Në ndërmarrjen e z. reporter, që i ka kushtuar dy vjet e gjysmë kohë dhe para KE-së, ka diçka të ngjashme. Unë kam një eksperiencë personale që më bind për këtë. Unë i përkas popullsisë çame, viktimë e gjenocidit dhe spastrimit etnik, në fund të Luftës së Dytë Botërore, kur s’kishte as CNN, as Këshill Europe, që të dokumentonte gjithë krimet. E vërteta e atij gjenocidi mbi çamët, hebrenjtë e Greqisë, që unë dhe familja ime e dimë mirë, asnjëherë s’është mësuar nga bota. Unë jam shumë i ndjeshëm se, në atë kalvar biblik kam pasur tim gjysh dhe babain tim, që nuk e panë më kurrë vendin ku kishin lindur”, tha Idrizi. Gjatë fjalës së tij, deputeti Idrizi bëri me dije se i kërkon Asamblesë Parlamentare të Këshillit të Europës që të hedhë poshtë projektrezolutën. “Ajo nuk ndihmon në përmirësimin e marrëdhënieve midis shqiptarëve të Kosovës dhe Serbëve, por i përkeqëson ato”, tha Idrizi.

SHPALLJA E APKIE:

Mr Ilir RUSMALI
Shteti: AL
Grupi: EPP/CD
Vota: In favour (PRO)

Mr Damian GJIKNURI
Shteti: AL
Grupi: SOC
Vota: Against (KUNDER)

Mr Shpëtim IDRIZI
Shteti: AL
Grupi: ALDE
Vota: Against (KUNDER)

VERIFIKO LISTEN E VOTIMIT NE APKIE (kliko):
http://assembly.coe.int/ASP/Votes/BDVotesParticipants_EN.asp?VoteID=33736&DocID=13281

loading...

Leave a Reply

Your email address will not be published. Required fields are marked *

Back to top button