Deprecated: stristr(): Non-string needles will be interpreted as strings in the future. Use an explicit chr() call to preserve the current behavior in /var/www/vhosts/zgjohushqiptar.com.al/zgjohushqiptar.al/wp-content/plugins/a2-w3-total-cache/lib/W3/PgCache.php on line 1054
Përkujtohet Lidhja e Prizrenit | My CMS

Përkujtohet Lidhja e Prizrenit

U përkujtua Lidhja Shqiptare e Prizrenit, një nga ngjarjet më të rëndësishme për kombin shqiptar. 

Dhjetra intelektualë nga rajonet ku jetojnë shqiptarë u mblodhën në Prizren dhe bënë thirrje për hartimin një plaftorme të përbashkët e cila do t’i bashkonte shqiptarët në një shtet të vetëm.

Kreshnik Spahiu, Kim Mehmeti, Esat Stavileci e shumë të tjerë, shpalosën, sic thanë ata, nevojën urgjente për hartimin e një platforme mbarëkombëtare për zgjidhjen e cështjes shqiptare.

“Ajo që ka munguar historikisht për popullin shqiptar, por që vazhdon të mungojë edhe sot, është një platformë mbarëkombëtare, një vështrim i përgjithshëm për të ardhmen, një vlerësim për situatën kombëtare dhe për zgjidhjet që duhet t’i jepet kësaj situate. Për këtë arsye kam një mesazh të qartë për ju: Kombi dhe shqiptaria mbi interesat e partive politike, mbi interesat e politikanëve shqiptarë, prandaj ka ardhur kohë që të gjitha përshëndetjet me grusht, dy, tre, katër apo dhjetë gishta të përfundojnë me një simbol të vetëm, me përshëndetjen me flamur, më përshëndetjen me shqiponjë”, tha zoti Spahiu.

“Vitet e fundit të gjithë ne e ngjyrosëm kombin me blu, rozë, të verdhë, me të gjitha ngjyrat, dhe të gjithë tentonin që sa më pak shqiptaria të jetë kuqezi. Kuqezi do të thotë që edhe kur valvit flamurin partiak ta dish që ai flamur është vetëm një leckë e pavlefshme pa flamurin kuqezi”, tha nga ana tjetër, Kim Mehmeti.

“Shqipëria kombëtarisht e cunguar, Kosova me sovranitet të kufizuar, shqiptarët në Maqedoni me të drejta të privuara, shqiptarët në Kosovën Lindore të sunduar”, tha në fjalën e tij, akademiku, Esat Stavileci.

Në Prizrenin kuqezi nuk mund të mungonte futbollisti kombëtares, Lorik Cana.

“Jam përpjekur në fushën time, të jap jashtë vendit një imazh sa më dinjitoz dhe me vlera sa më të mira të vendit tonë dhe këtë do ta bëj deri në fund. Në njëfarë mënyre me kombëtaren e Shqipërisë jemi munduar të bëjmë një bashkim, dhe besojmë që ja kemi arritur të bëjmë një bashkim”, tha futbollisti kombëtares, Lorik Cana.

Aktivieti u zhvillua nën përkujdesjen e Komunës së Prizrenit. Kryetari i kësaj komune, Ramadan Muja për disa caste “harroi” se vjen nga radhët e partisë në pushtet dhe kritikoi bashkësinë ndërkombëtare.

“Europa plakë i ka borxh kombit tonë. Lufta heroike e popullit shqiptar nuk lejoi rënien e Europës Perëndimore nën sundimin e sulltan Mehmetit II”, tha kreu i komunës, zoti Muja.

Edhe këtë herë, në qytetin e Prizrenit valviteshin flamujt kuqezi dhe mungonte ai shtetëror.

Nga faqa ne facebook: Te behemi 50.000 veta kunder regjistrimit te fese & kombesise.Loje e Grekut

Per me teper klikoni me siper ^^^

Nese mendoni se kjo faqe vlen per cdo inforamcion,atehere do tju luteshim te gjithe te na ndihmonit duke e shperndare kete faqe ne profilet tuaja thjeshte duke klikuar ketu “Shperndaje”.

loading...

Leave a Reply

Your email address will not be published. Required fields are marked *

Back to top button