Ja si Shqipëria kualifikohet në Evropian

  • Shanset si mund të jenë mes dy të parave, e treta më e mirë e Evropianit dhe si mund të luhet në “play-off” mes të tretave të tjera

Si kualifikohet Shqipëria në Evropian? Cilat janë rrugët nga ku do të kalojnë kuqezinjtë për të shkuar në Francë? Janë tre mënyra për të kaluar në Francë 2016, pra për t’u kualifikuar pa asnjë problem. Së pari, duke qenë në vendin e parë ose të dytë të grupit I.

Duke u renditur e treta më e mirë nga 9 ekipet e kualifikuara dhe versioni i tretë, duke qenë skuadra që në duelin e “play-off”-it kalon të kualifikohet. Gjithsesi, shanset janë pothuajse të njëjta në tre versionet me problemin e vetëm se nuk i dihet se nëse kuqezinjtë mund të kalojnë edhe dy ndeshje shtesë.

E treta më e mirë

Një nga shanset më të mëdha të kuqezinjve është të arrijë të dalin të tretët, si më të mirët e të gjithë grupeve. Kjo do të ishte një arritje shumë e madhe. Themi kështu, por rregulli i UEFA-s është pak i komplikuar për grupin ku jemi ne që ka vetëm 5 ekipe. Duhet të bëhet një krahasim mes pikëve që kanë ekipet e treta në grup në fund të eliminatoreve në grupet me 6 dhe 5 skuadra. Pra, për të krahasuar renditjen mes grupeve kualifikuese dhe për të përcaktuar skuadrën më të mirë të tretë, u zbritën rezultatet e ekipeve që skuadrat e vendit të tretë kanë me ekipet e vendit të gjashtë. Kështu nëse skuadra e grupeve me gjashtë ekipe në fund të eliminatoreve ka grumbulluar 18 pikë dhe skuadrës së fundit në renditen e eliminatoreve të grupit të saj i ka marrë dy fitore ose 6 pikë, skuadrës së vendit të tretë i hiqen 6 pikë. Pikët e mbetura krahasohen me pikët e Shqipërisë në rastin tonë dhe nëse ne kemi 13 pikë, kualifikohemi ne si e treta më e mirë. Kjo është rruga e dytë. Pas pikëve vjen golaverazhi më i mirë, numri më i madh i golave të shënuar, numri më i ulët i golave të pësuar, renditja “fair-play” dhe në fund renditja e UEFA-s në fund të eliminatoreve.

Aktualisht nuk jemi skuadra më e mirë e tretë e grupeve. Para nesh janë Skocia 10 pikë, por asaj i hiqen tre pikë, sepse ka fituar me Gjibraltarin skuadrën e vazos së fundit në grup. Ka golaverazh shumë të mirë 11-5. Në Grupin B për vendin e tretë luftojnë Belgjika dhe Izraeli që duhet të luajnë një ndeshje sot, por sido që të shkojë ai takim dy skuadrat nuk e kalojnë Shqipërinë. Në grupin F, Hungarisë, së tretës me tetë pikë, i hiqet një pikë, sepse ka barazuar me Greqinë skuadrën e vazos së fundit në grup. Golaverazhin e ka 4-3 dhe është para nesh. Në grupin G, Rusisë, së tretës së grupit i hiqet një pikë, sepse ka barazuar me Moldavinë skuadrën e vazos së fundit në grup dhe ajo është 7 pikë. Ka golaverazh më të mirë se në 9-3. Ne jemi po me 7 pikë, por golaverazhin e kemi 4-5, falë skandalit të UEFA-s që na humbi ndeshjen në tavolinë me Serbinë 3-0. Një vendim që na penalizon shumë kur vjen puna e pikëve dhe golaverazhit. Nëse marrim tri pikët nga KAS Lozanë, gjendja jonë është 10 pikë, jemi të parët në grup dhe golaverazhi, shkon në 7-2. Më mirë se kaq nuk ka ku të shkojë dhe rruga për t’u kualifikuar si e treta më e mirë është e sigurt.

Të dalësh në dy vendet e para

Në llogaritë e grupeve të kualifikueseve që shkojnë në Evropian, sipas formatit të ndërtuar disa vite më parë dy ekipet e çdo grupi kualifikohen direkt në fazën finale të Evropianit. Më shkurt nëse Shqipëria del e para ose e dyta e grupit shkon direkt në Evropian. Gjithsej janë 9 grupe me nga dy skuadra dhe në fund bëjnë 18 ekipe. Një ekip do të kualifikohet direkt si e treta më e mirë dhe tetë skuadrat e tjera të vendeve të dyta do të luajnë me njëra-tjetrën për të kualifikuar katër ekipet, që së bashku me Francën organizatoren e turneut dhe 19 skuadrat e kualifikuara bëhen 24 ekipe dhe shkojnë direkt në Francë. Shqipëria nëse ia del të pozicionohet në vendet një ose dy të grupit është në Francë.

2 barazime

Shansi i fundit mbeten ndeshjet shtesë. Kjo do të thotë se skuadra jonë në fund të eliminatoreve është e treta. Për këtë arritje kuqezinjtë duhet të marrin dy barazime me ekipet e Armenisë dhe Serbisë në dy ndeshjet e ardhshme, me kusht që Serbia të humbasë një nga katër ndeshjet e mbetura. Nëse kuqezinjtë fitojnë ndeshjen me Serbinë dhe barazojnë me Armeninë janë automatikisht në “play-off”.

loading...

Leave a Reply

Your email address will not be published. Required fields are marked *

Back to top button