Sela: Nuk i përkulem flamurit maqedonas, e as i çohem në këmbë himnit maqedonas (VIDEO)

Kryetari i Lëvizjes për Reforma në PDSH, Ziadin Sela, ka qenë i ftuar në një emision në Televizionin Publik Shqiptar.

Sela ka folur për situatën politikë në Maqedoni, ngjarjet e fundit në Lagjen e Trimave në Kumanovë, protestën e opozitës, reformimin e pashmangshëm të skenës politike shqiptare dhe për zgjidhjen njëherë e mirë të çështjes shqiptare në Maqedoni.

Në pyetjen e gazetarit se a ka pozuar ndonjëherë Ziadin Sela me flamurin maqedonas ashtu siç pozoi Zaevi me flamurin kombëtar shqiptar, Sela iu përgjigj se asnjëherë se ka bërë këtë dhe se as nuk i është ngritur në këmbë himnit maqedonas.

Sela këtë e arsyetoi me faktin se kur është sjell ky flamur dhe ky himn i shtetit të Maqedonisë, nuk janë pyetur shqiptarët dhe prandaj nuk ka pse i respekton.

“Është e vërtetë. Nuk kam dalë asnjëherë ashtu siç nuk i jam ngritur asnjëherë në këmbë hymnit të Maqedonisë. Unë e përmenda edhe më herët… Maqedonia ka shpallur pavarësinë e saj mbi bazën e aneksimit të të drejtave të një të tretës së popullatës. Unë nuk kam pse e respektoj një hymn kombëtar, të cilin shqiptarët nuk e kanë votuar, përbërja e parë parlamentare shqiptare në vitin 92 nuk e ka votuar këtë Kushtetutë. S’ka votuar as flamurin, s’ka votuar as hymnin… Kur është sjellë ai flamur, nuk janë pyetur përfaqësuesit e shqiptarëve, nuk ka konsensusin e shqiptarëve dhe s’kam pse e respektoj”, theksoi Sela.

Sela gjatë emisionit foli edhe për ndërtimin e shtetit binacional në Maqedoni dhe ky shtet sipas tij ndërtohet vetëm me një marrëveshje të re politike, me të cilën do të rregulloheshin njëherë e mirë problemet e shqiptarëve dhe kjo sipas tij arrihet me parlamentin dydhomësh, ndarjen proporcionale të buxhetit, gjuhën shqipe zyrtare. Sipas tij, nëse kjo nuk arrihet, do të ketë krizë.

Ai përmendi disa forma të rregullimit shtetëror nëpër të cilat duhet të kalojë Maqedonia. Shtet i përbashkët binacional, federatë ose Konfederatë dhe nëse të gjitha këto nuk arrihen, atëherë sipas Selës, “është i patjetërsueshëm procesi i ndarjes së shtetit”.

loading...

Leave a Reply

Your email address will not be published. Required fields are marked *

Back to top button