Dy ish-presidentë Obama e Klinton bëhen bashkë kundër Trump për ICE: Donald, vranë një amerikan, doni që ne të mos e shohim!
Vazhdon presioni i madh mbi administratën e Donald Trump për një hetim të plotë të vrasjes së infermierit 37 vjeçar Alex Pretti në Mineapolis.
Ish presidenti Barac Obama dhe bashkëshortja Michelle, e konsideruan vrasjen një “tragjedi” dhe një “zgjim për çdo amerikan, pavarësisht bindjes politike se shumë prej vlerave tona thelbësore si komb janë nën kërcënim”.
Në një deklaratë të dielën, Obamat thanë se agjentët federal të emigracionit nuk po operojnë në rrugën e duhur në Minesota.
“Për javë të tëra, njerëzit në të gjithë vendin janë indinjuar me të drejtë nga spektakli i rekrutëve të maskuar të ICE [Zbatimit të Imigracionit dhe Doganave] dhe agjentëve të tjerë federalë që veprojnë pa u ndëshkuar dhe që angazhohen në taktika që duket se janë të dizajnuara për të frikësuar, ngacmuar, provokuar dhe rrezikuar banorët e një qyteti të madh amerikan”, thanë ata.
Ish-presidenti dhe ish-zonja e parë thanë se këto taktika tani kishin rezultuar në të shtënat fatale të dy shtetasve amerikanë – Pretti dhe Renee Good, të dyja në Minneapolis. Megjithatë, thanë ata, Trump dhe zyrtarë të tjerë të administratës dukeshin të etur për të përshkallëzuar retorikën përpara se të ndërmerrej një hetim – dhe pavarësisht faktit se ato “duket se kundërshtohen drejtpërdrejt nga provat video”.
Obamat u bënë thirrje amerikanëve të mbështesin valën e protestave paqësore në Minneapolis dhe pjesë të tjera të vendit.
“Ata janë një kujtesë në kohë se në fund të fundit është detyrë e secilit prej nesh si qytetarë të flasë kundër padrejtësisë, të mbrojë liritë tona themelore dhe ta mbajë qeverinë tonë përgjegjëse”, thanë ata.
Një tjetër ish-president demokrat, Bill Clinton, pasoi me një deklaratë që dënoi gjithashtu vrasjet e Good dhe Pretti mes “skenave të tmerrshme” të goditjes së imigracionit.
“E gjithë kjo është e papranueshme dhe duhej të ishte shmangur”, tha Clinton. “Për ta përkeqësuar edhe më shumë situatën, në çdo hap, njerëzit përgjegjës na kanë gënjyer, na kanë thënë të mos e besojmë atë që kemi parë me sytë tanë”.