“Të ka dënuar Zoti”, Shoqata e të Verbërve të Shqipërisë reagon ashpër për deklaratën e Rogertit ndaj Stenaldos: Ai është i barabartë me të tjerët
Shoqata e Të Verbërve të Shqipërisë ka reguar në lidhje me deklaratën e rëndë që Rogerti bëri ditën e djeshme ndaj Stenaldos.
Në deklaratën për shtyp të SHVSH-së shkruhet se gjuha e përdorur nga Rogerti është qartazi një diskriminim i cili ka prekur shumë dhe dinjitietin njerëzor të Stenaldos.
Për rrjedhojë nga ana e shoqatës kërkohet një distancim nga gjuha diskriminuëese, ndjesë publike nga ana e Rogertit ndaj Stenaldos si dhe zbatim i menjëhershëm i masave disiplinore për çdo gjuhë urretjeje që pëdoret në shtëpi.
Gjithashtu shkruhet se shoqata e përkrah lojën e Stenaldos pasi ky i fundit nuk ka hyrë në “Big Brother” për t’u viktimizuar për gjendjen e tij shëndetësore por për të konkurruar njësoj si të tjerët.
Ndërsa theksohet se nga ana e produksionit që ta trajtojnë këtë ngjarje me seriozitet maksimal: jo thjesht si incident, por si moment që kërkon qëndrim edukues, sqarim publik dhe garanci që gjuha diskriminuese nuk kthehet në “normë” të spektaklit.
Rogerti, dje gjatë një debati me Stenaldon, iu drejtua me fjalët “Ty të ka dënuar Zoti”, duke iu referuar verbërisë së tij.
Kjo solli reagimin e ashpër të Stenaldos, të cilin nuk e kanë mbajtur nervat dhe më pas e ka pështyrë në fytyrë Rogertin.
Kjo përplasje ka sjellë reagimin e ashpër të konkurrentëve të tjerë të shtëpisë së “Big Brother VIP”, të cilët kanë hedhur akuza ndaj Rogertit.
Reagimi i plotë:
Deklaratë për shtyp e SHVSH mbi gjuhën diskriminuese në Big Brother VIP Albania 5
Tiranë, 3 shkurt 2026
Shoqata e të Verbërve të Shqipërisë (SHVSH) dënon me forcë gjuhën e përdorur ndaj konkurrentit të verbër, Stenaldo Mëhilli, ku verbëria u etiketua si “dënim” apo “mallkim” (“Ty të ka dënuar Zoti / të ka mallkuar Zoti”). Kjo është një formë e qartë diskriminimi (ableizëm) dhe një mesazh i rrezikshëm që cenon dinjitetin njerëzor dhe ushqen paragjykimet ndaj personave me aftësi të kufizuara.
Verbëria nuk është “dënim”, nuk është “mallkim”, dhe nuk është arsye për poshtërim publik. Një gjuhë e tillë nuk sulmon vetëm një individ; ajo prek një komunitet të tërë dhe normalizon përjashtimin social, bullizmin dhe stigmatizimin—sidomos kur transmetohet në një format me audiencë masive.
1) Dënimi i veprimit
SHVSH kërkon:
• Distancim të qartë dhe publik nga kjo gjuhë diskriminuese;
• Ndjesë publike ndaj konkurrentit dhe komunitetit të personave me aftësi të kufizuara;
• Zbatim të menjëhershëm të rregullores dhe masave disiplinore për çdo gjuhë urrejtjeje/diskriminimi brenda formatit;
• Standard “zero tolerancë” ndaj çdo forme denigrimi që lidhet me aftësinë e kufizuar.
Kjo nuk është “lojë”, as “debat i nxehtë”: është shkelje e etikës njerëzore dhe e përgjegjësisë publike që duhet të mbajë çdo personazh televiziv dhe çdo produksion.
2) Mbështetja për lojën dhe dinjitetin e Stenaldos
SHVSH shpreh solidaritet dhe mbështetje të plotë për Stenaldon, i cili ka hyrë në këtë format me synimin për të konkurruar si i barabartë, pa kërkuar trajtim të veçantë dhe duke treguar se aftësia e kufizuar nuk e zbeh vlerën, karakterin dhe kapacitetin e një njeriu.
Pjesëmarrja e tij është një hap i rëndësishëm për përfaqësimin, dhe çdo tentativë për ta ulur me fjalë që e lidhin verbërinë me “dënim” është sulm ndaj dinjitetit dhe barazisë.
Thirrje për përgjegjësi publike
I bëjmë thirrje Top Channel dhe produksionit që ta trajtojnë këtë ngjarje me seriozitet maksimal: jo thjesht si incident, por si moment që kërkon qëndrim edukues, sqarim publik dhe garanci që gjuha diskriminuese nuk kthehet në “normë” të spektaklit.
SHVSH mbetet e gatshme të kontribuojë me ekspertizë për komunikim jo-diskriminues dhe ndërgjegjësim publik.
Jonit Ferhati
Kryetar, Shoqata e të Verbërve të Shqipërisë (SHVSH)