Mediat e huaja për bujqësinë: Shqipëria ka potencial të bëhet Greqia apo Italia e ardhshme, po lulëzon më shumë se kurrë

Shqipëria ka potencial të bëhet Greqia apo Italia e ardhshme. Këtë tregon një artikull i publikuar sot nga Fresh Plaza që tregon se sektori i bujqësisë po lulëzon më shumë se kurrë. Në dy vitet e fundit, nje kompani shqiptare, thotë se prodhimi i frutave dhe perimeve është rritur me 30%. Kompania merret me kultivimin e frutave dhe perimeve, që u jep atyre një prodhim të kombinuar në kultivimin e 90 hektarëve tokë, duke u bërë eksportuesit më të mëdhenj në Shqipëri.‘Ne kemi shumë potencial. Për shkak se ndodhemi nën nivelin e detit, favorizohemi nga mikroklima e cila së bashku tokën e pasur dhe pjellore i bën kushtet të përsosura për bujqësinë. Kjo klimë gjithashtu bën të mundur prodhimin masiv në vit. Ne filluam të eksportojmë vetëm 5 vjet më parë, por bumi që kam parë në 2 vitet e fundit është marramendës, ” citohet të thotë kompania.Artikulli vijon duke treguar se produkti kryesor është domatja, të disponueshme gjatë vitit, në dy cikle; nga muaji mars deri në gusht dhe pastaj nga tetori deri në janar. Kjo kohë e vitit sjell prodhimin e perimeve të dimrit dhe kompania tregon se aktualisht punojnë me lakra, brokoli dhe lulelakër, ndër të tjera. Gjatë vitit, disa produkte të tjera që ata prodhojnë janë kastravecët, specat, luleshtrydhet, hudhrat etj.Çmimet në Shqipëri janë 20-30% më të ulëta se çmimet e tregut në Itali apo Greqi dhe ndryshe nga këto vende që kanë caktuar çmime javore, çmimet tona ndryshojnë çdo ditë, nganjëherë disa herë në ditë. Kjo mund ta bëjë tregtinë të vështirë, por gjithashtu mund të sjellë shumë mundësi, thotë kompania.Së bashku me mundësitë e eksportit, kompania tregon se në Shqipëri ka mundësi pafund për investime në sektorin e Bujqësisë. “Jemi shumë të kënaqur me sektorin për bujqësinë, jo vetëm për shkak të tokave të pasura, klimës së përkryer, por jemi gjithashtu në një lokacion të madh logjistik. Investitorët italianë dhe izraelitë në veçanti kanë bërë shumë investime për teknologjinë serrë, por unë mendoj se në vendin tonë thjesht kemi zbuluar sipërfaqen”. /ZgjohuShqiptar.info