Video: 12 policë të plagosur, një efektive humbet katër gishta, tjetri dëgjimin

12 efektivë të Policisë së Tiranës kanë mbetur të plagosur këtë të enjte, në protestën e banorëve që preken nga ndërtimi i Unazës së Re, të zhvilluar para Kuvendit.Në tentativë për të çarë kordonin policor, banorët u përplasën me policinë ndërsa nuk mungoi hedhja e sendeve të forta si dhe tymueseve. Policia sqaron se 2 prej efektivëve kanë marrë dëmtime më të rënda, njërës prej të cilave kapsolla i ka prerë gishtat e dorës dhe një tjetër ka humbur dëgjimin nga njëri vesh, pasi kapsolla e ka kapur në pjesën e qafës.“Gjatë protestës që përshkallëzoi në akte dhune ndaj forcave të rendit, përballë godinës së sallave plenare të Kuvendit të Shqipërisë janë plagosur 12 efektivë të Policisë së Shtetit. Efektivët janë lënduar me mjete të forta dhe piroteknike, hedhur nga tubuesit mbi punonjësit e Policisë, të cilat dhe janë dërguar në spital për ndihmë të specializuar mjekësore”, thotë policia në një reagim për mediat.Gjithashtu, Policia e Shtetit u bën thirrje protestuesve dhe përfaqësuesve politikë për distancim nga dhuna dhe nga goditjet ndaj punonjësve të rendit./ZgjohuShqiptar.info