“Kur e pijmë atë kafen?” Përgjimi i Avdylaj në një rast blerje vote

Bild ka vijuar me publikimin  e përgjimeve. Kreu i bandës së Shijakut është përgjuar edhe në biseda me qytetarë të tjerë. Në një nga video shfaqet Astriti duke biseduar me një qytetar, ku në këmbim të votës i ofron edhe pagesë. Edhe pse nuk përmend shumë, ai këmbëngul disa herë që të takohen dhe të pinë kafen, çka nënkupton, t’i japë edhe paratë.

Audio – Biseda e Avdylajt me votuesin

Avdylaj: Si ia cove?

Votuesi: A je mirë?

Avdylaj: Si je?

Votuesi: Mirë vllai

Avdylaj: A po më njeh? Ti nuk më njeh mu, por kur thotë do ta jap votën tani nuk e njeh as telefonin

Votuesi: Oooo shef Astriti

Avdylaj: Heee, ca bone?

Votuesi: A je mirë? Je i mirë për zotin

Avdylaj: Rrofsh edhe ti. Të kam marrë për votën, e din vetë me një fjalë, që mos ti fusi njoni, o Gon Duka, mos ti fusi me një fjalë…(dëgjohen zhurma në sfond). Ne jena për PS, për Ilir Ndranxhin.

Votuesi: Unë me të thënë…

Avdylaj: Rrofsh, kur do ta pimë një kafe

Votues: Kur të dush ere, dëgjo, jo vetëm me ty, me Niçen, me Çimin, unë me ju kam qenë përherë

Avdylaj: Faleminderit shumë

Votuesi: Nuk bohet fjalë njëherë

Avdylaj: Edhe desha me fol cik edhe me vëllain tat, me Jarin

Votuesi: Me Jarin?

Avdylaj: Po

Votuesi: Po, i them unë

Avdylaj: Desha me fol cik dhe me Jarin, po edhe do folim, e kupto vetë ti, se kafja osht. Kur je kohë që ta pishim një kafe

Votuesi: Kur të dush

Avdylaj: Unë në shpi jam, nëse do

Votuesi: Mirë vëlla