Shqiptarët sërisht në panik me “Blue Panorama”, avioni bën ulje emergjente

Avioni i nisur nga Tirana ka bërë ulje emergjente në Pescara. Shkak ka qenë zënka e dy personave me njëri-tjetrin.

Avioni i linjës “Blue Panorama”, i nisur në orën 16:45 nga Tirana për në Romë është detyruar të ulet për shkak të përleshjes së dy burrave, shtetësia dhe emrat e të cilëve nuk janë identifikuar ende.

Por nga ato që shkruajnë mediat italiane, autorët e incidentit janë dorëzuar pranë Policisë së Pescarës.

Menjëherë pas incidentit avioni është ringritur për në destinacionin final, Romën.

Nuk bëhen ende të njohura arsyet e përleshjes.