Basha: Pas 30 qershorit, PD më e fortë, Rama më i dobët
Kryetari i Partisë Demokratike, Lulzim Basha në një dalje për mediat, mbrëmjen e kësaj të hëne, tha se Partia Demokratike doli më e fortë dhe më e bashkuar pas 30 qershorit. Ai theksoi se më datë 30 qershor, Rama mori mesazhin e qartë se qytetarët janë në anën e opozitës së bashkuar dhe kundër tij e bandës së tij.
Sipas Bashës, braktisja e votimeve nga shqiptarët në mënyrë masive tregoi se ka ardhur momenti për një ndryshim të madh, për garantimin dhe fuqizimin e votës, e cila është kushti i parë që një demokraci të jetë funksionale dhe e barabartë për të gjithë qytetarët.
Basha tha: Të dashur qytetarë. Qëndrimi juaj më 30 qershor ishte i qartë për ndryshim. Ne PD e gjithë opozita e bashkuar, së bashku me ju duam të sjellim ndryshim që ju doni, sepse ju i thatë ndal vjedhjes dhe korrupsionit”.
Ai vijoi: “Farsa dështoi. PD doli më e fortë dhe më e bashkuar nga 30 qershori. Opozita doli më e fortë dhe më e bashkuar. Të gjithë si qytetarë jemi më të fortë se kurrë më parë. Edi Rama doli më i dobët. 30 qershori tregoi zbuluar fytyrën e Edi Ramës. Rama ka degdisur PS në parti mercenarësh dhe banditësh. Përballë saj qëndrojmë ne, parti e mendjes dhe e zemrës. Ata i bënë bashkë paraja dhe karrigia.
Dje ju më të bashkuar se kurrë, jo rreth një partie politike, por rreth vlerave për të cilat qëndrojmë si komb, vlerave europiane, lirisë dhe demokracisë, hapet rrugën për t’i kthyer dinjitetin e nëpërkëmbur çdo shqiptari. Marrëzia e 30 qershorit tregoi se çfarë eshte i gatshëm të bëjë Edi Rama për pushtetin e tij.Pamjet dritheruese të të moshuarve që i mbanin nga krahët për të shkuar me detyrim në votime. Pamjet e trishta të invalidëve, të pamundurve që duhet të bëheshin pjesë e farsës për bukën e gojës. Pamjet e punonjësve te administratës që votonin me kokën ulur nga dëshpërimi.”
Basha gjithashtu, shtoi: “Pamjet e të fortëve që kercënonin me uniforma policie apo mbeshtjellë me petkun e pushtetarëve janë pasqyra me ë qartë e degradimit të këtij regjimi.Kombinimi i përdorimit të krimit dhe presionit të pushtetit për vota është pamja e zgjedhjeve shqiptare me Edi Ramën, e faktuar me parë nga Dibra, në Durrës dhe përsëri dje, në të gjithë Shqipërinë. 85% e shqiptarëve refuzuan regjimin e grabitjes dhe dhunës. 85% e shqiptarëve dje refuzuan Edi Ramen. 85% e shqiptarëve treguan dje se duan ndryshimin. Jo ndryshimin e thjeshtë politik, “ik ti e të vi une”, por ndryshimin e vertetë që nis me ndryshimin e sistemit, garantimin e zgjedhjeve të lira dhe të ndershme, garantimin e votës dhe fuqizimin e saj. 85% e shqiptarëve, demokratë, socialistë, të pa parti treguan dje se duan ndryshimin që kurrë me krimi të mos diktojë politikën. Kurrë me kriminelët të mos vendosin për deputetë e kryebashkiakë.
Kurrë me krimi të mos ulet në parlament e të zërë vend në qeverisje. Kurrë me punonjësit e administratës të mos poshëtrohen, duke u përdorur për të mbushur mitingjet partiake apo të kërcënohen me vendin e punës për votën. Kurrë më mos të kushtëzohet vendi i punës, buka e gojës, ndihma ekonomike apo pensioni nga vota. Dje dështoi plani i Edi Ramës për votime njëpartiake. Shqiptarët e refuzuan totalisht, atë dhe mercenarët e tij. Shqiptarët e sfiduan, e izoluan dhe e bënë t’i binin djersë të ftohta”.