Shpërthen Ish-themeluesi i PD: Basha po shkatërron partinë, përgjimet i kishte që në kohën e çadrës (VIDEO)

Ish-themeluesi i Partisë Demokratike, Arben Imami, ka folur mbrëmjen e sotme në ‘Real Story’ për sjelljen e opozitës, zgjedhjet dhe të ardhmen e PD.

Duke kritikuar Lulzim Bashën, ish-ministri tha se askush nuk ka licencë që ta shuajë partinë.

“Partia Demokratike ëshëtë një vlerë kombëtare dhe nuk mund dhe nuk duhet të shuhet” – tha Imami.

Ai u shpreh se Jozefina Topalli kishte të drejtë në deklaratën e saj për 30 Qershorin.

“Rezultati nuk ishte i mirë dhe nuk mund të thuash që fituam. Në Parlament nuk jemi, Bashkitë nuk i kemi më” – shtoi ish-ministri i Mbrojtjes gjatë qeverisjes së Berishës.

Lulzim Basha nuk e ka pranuar kurrë së përgjimet e Dibrës ia ka dorëzuar ai revistës gjermane ‘Bild’.

Partia Demokratike i ka përdorur publikimet për akuza politike, por pa marrë përgjegjësi sesi mbërritën materialet në dorën e gazetarit Peter Tiede.

Por Arben Imami ka zbuluar disa detaje që e implikojnë Bashën në publikimin e Dojes 184, shkruan JavaNews.al

Ish-ministri i Berishës tha sot në ‘Real Story’ se Lulzim Basha e ka pasur dosjen prej dy vitesh.

“Një pjesë të përgjimeve Basha i ka ditur. E ka thënë në çadër. Dosja ka qenë e zbardhur. Nga informacionet që unë kam, përgjimet e Dibrës i ka ditur” – tha Arben Imami.

Ish-ministri këmbënguli se Basha e ka pasur të zbardhur dhe dosjen e përgjimeve të Durrësit,

“Për informacionin që unë kam, Basha ka qenë në dijeni për përgjimet dhe blerjen e votave që në 2017, para marrëveshjes së 17 majit.

Sipas informacionit që unë kam, edhe Dosjen e Durrësit Basha e ka pasur të zbardhur…

Unë i kam mësuar këto inforamcione para 1 viti e gjysmë kur shkëputa lidhjet.

Di që e ka thënë te çadra kam një dosje, kur e mori ‘një person” në telefon tha e kam humbur” – deklaroi Imami.