Jemi i vetmi vend ku më lehtë mësojmë një gjuhë të huaj se të themi fjalët: Më fal, të lutem, ndjesë!

Nga Lutfi Dervishi

1. Jemi i vetmi vend që nuk lexojmë jo se nuk duam, por se nuk kemi metro!

2. Jemi i vetmi vend që më të mirin dhe më të zotin e duam ta shohim sa më shpejt sa më larg vendit!

3. Jemi i vetmi vend që në muajin gusht, më shumë se futbollistët në merkato lëvizin…gazetarët!

4. Jemi i vetmi vend që të “krisurve”, “ të “lojturve” në vend që t’i dërgojmë në spital u japim like në facebook.

5. Jemi i vetmi vend ku normali duket i çmendur, i çmenduri i mençur dhe i mençuri budalla!

6. Jemi i vetmi vend ku pastruesja ka turp të pastrojë, shoferi të drejtojë makinë dhe roja të ruajë!

7. Jemi i vetmi vend ku më lehtë mësojmë një gjuhë të huaj se të themi fjalët: më fal, të lutem, ndjesë!

8. Jemi i vetmi vend ku ..më shumë etikë kanë njerëzit brenda në burg se ata në Parlament!

9. Jemi i vetmi vend që kur nuk na pëlqen një punët publike të qeverisë në rrugë ngushëllohemi se i shohim më të bukura në instagram!

10 Jemi i vetmi vend që mblidhemi me dhjetëra mijëra dhe protestojmë fuqishëm në…facebook!