Mbërrin në Rinas avioni ushtarak grek me ndihma pas tërmetit

Republika e Greqisë, duke iu përgjigjur menjëherë thirrjes së Autoriteteve Shqiptare, ka dërguar ndihmë humanitare në Tiranë, për përballimin e pasojave dhe lehtësimin e të dëmtuarve prej tërmeteve dhe përmbytjeve që goditën së fundmi Shqipërinë.

Ndihma humanitare greke përfshihet në kuadrin e Mekanizmit Europian të Mbrojtjes Civile, i cili koordinon përballimin kolektiv europian të fatkeqësive natyrore.

Sot, më 29 shtator 2019, në orën 09.45, mbërrin në aeroportin e Tiranës,  një avion transporti  i  Aviacionit Luftarak Grek,  i  cili sjell nga Greqia gjeneratorë, ushqime, ilaçe, tenda, krevate, batanije dhe materiale të tjera të nevojshme.