Policia rrethon Teatrin Kombëtar, ngjit tek dera vendimin e qeverisë

Policia Bashkiake e Tiranës ka rrethuar këtë pasdite Teatrin Kombëtar, i cili ka kaluar zyrtarisht në pronësi të Bashkisë së Tiranës.

Vendimi është marrë në mbledhjen e Këshillit të Ministrave, ndërsa po kundërshtohet nga artistët, që janë në mbrojtje të godinës aktuale të teatrit.

Forca të shumta të Policisë Bashkiake mbërritën pasdite te Teatri Kombëtar, ku u pritën nga aktivistët për Mbrojtjen e Teatrit.

Mësohet se Policia ka ngjitur vendimin e qeverisë te dera e Teatrit Kombëtar, ndërsa iu ka kërkuar artistëve të lirojnë godinën.