“Skënderbeu është sllav”/ Milo: Ekstremistët islamikë po më bëjnë presion, ja e vërteta e deklaratës sime

Historiani dhe ish-ministri i Jashtëm, Paskal Milo deklaroi se atij po i bëhet presion nga disa qarqe myslimane të cilët ai i konsideron si “ekstremistë islamikë”, pas publikimit të një deklarate të tij të bërë dy vite më parë, ku thoshte se heroi ynë kombëtar, Gjergj Kastriot Skënderbeu ishte sllav dhe se nuk mbrojti Shqipërinë, por krishtërimin.

Gjithashtu ai shtron pyetjen se pse nuk kundërshtohet nga historianët.

“Pse nuk del një historian ta kundërshtojë, por del vajza e Koço Kokëdhimës, çfarë përfaqëson ajo? Ajo është tralala zura një galë”, tha ai për Tirananews.al.

Milo sqaron se si qëndron e vërteta e deklaratave të tij lidhur me origjinën e nënës së Skënderbeut. Ai shton se mbështet deri në fund tezat, të cilave ju referohet.

“Në Shqipëri ka një numër presionesh që vijnë nga qarqet ekstremiste islamike. Në këtë rast duke goditur figurën e Skëndërbeut që ndali pushtimin osman, që iu bë barrikadë pushtimit të Evropës nga osmanët dhe që Skënderbeun e kanë akuzuar si tradhëtarë të osmanëve dhe si tradhëtar të islamit, duke e nxjerrë Skëndërbeut si një nga udhëheqësit e botës së krishtere, evropiane të asaj kohe, argumetojnë tezat e tyre që Skëndërbeu është tradhëtar. Pra godasin figurën e Skëndërbeut duke përdorur tezat e mia. Shumë dinake”, thotë ai duke shtuar se:

“Nuk e kam shpikur unë, unë u referohem historianëve dhe dokumentave të tjera. Ky montim është bërë qëllimisht edhe nuk e thonë që unë këto deklarata i kam bërë para dy vitesh, duan të japin përshtypjen që unë këto deklarata i kam bërë këto ditë”, shprehet Milo.

Ai më pas argumentoi interesim të qarqeve ekstremiste islamike.

“Ju e këni të qartë që në politikën e gjeo-Ballkanit, Shqipëria, Kosova dhe shqipëtarët, ata i mendojnë si baza mbështetëse për penetrim të mëtejshëm të islamizmit ekstem në Ballkan. Sepse mbështeten në faktin që shumica e shqipatërëve janë të fesë muslimane dhe duke bërë këto gjera ata duan të penetrojnë thellë e më thellë në shoqërinë shqiptare.

Sidomos tani ku në Ballkanin Perëndimor kryqëzohen influenca dhe presione të ndryshme dhe ku presionet e qarqeve islamike janë të pranishme. Pjesë dhe instrumet i kësaj fushate për ta penguar këtë rajon për tú bashkaur me Evropën”, përfundon Milo.