Daçiq thyen premtimin ndaj SHBA-së, Reagon Osmani: Kjo është fytyra e vërtetë e Serbisë

Kryetarja e Kuvendit të Republikës së Kosovës, Vjosa Osmani, ka reaguar pasi sot ministri i Punëve të Jashtme të Serbisë, Ivica Daçiq, ka falënderuar sot Algjerinë për pozicionin kundër pavarësisë së Kosovës.

Osmani thotë se kjo është fytyra e vërtetë e Serbisë që të hënën i premton SHBA-së që do ta ndalë fushatën kundër Kosovës, ndërsa të martën e rifillon kampanjën kundër Kosovës.

“Sot, Daçiq falënderon Algjerinë për pozicionin kundër pavarësisë së Kosovës. Prit një minutë. A nuk janë pajtuar që ta ndalin këtë absurditet. Kjo është fytyra e vërtetë e Serbisë, miq: Të hënën, ata i premtojnë SHBA’së që të ndalin kampanjën. Të martën, ata e rifillojnë atë”, ka shkruar Osmani në llogarinë e saj në Twitter

Pajtimin e Serbisë për të ndalur fushatën kundër Kosovës e ka konfirmuar dje emisari i SHBA-së për dialogun, Richard Grenell, kur ka dhënë njoftimin për takimin e 27 qershorit që do të mbahet në Shtëpinë e Bardhë në Washington.

Grenell ka thënë se Serbia është pajtuar që të mos lobojë kundër pavarësisë së Kosovës, derisa Prishtina zyrtare është pajtuar që ta ndalë lobimin për anëtarësim në organizata ndërkombëtare.

If either side is unsatisfied with the June 27 discussions then they will go back to the status quo after they leave Washington.
As we have consistently said, we must first make progress on growing the economies. This is the focus. I look forward to these discussions. (2/2) https://t.co/r5QLDuC1XI

— Richard Grenell (@RichardGrenell) June 15, 2020