Ndryshimi i Sistemit Zgjedhor, Denar Biba tregon pse KQZ nuk e pranoi kërkesën e shoqërisë civile për referendum

Nënkryetari i KQZ-së, Denar Biba, ka deklaruar se kërkesa e shoqërisë civile për ndryshimin e sistemit zgjedhor është refuzuar pasi nuk është dhënë një alternative tjetër.

I ftuar në RTV Ora Biba tha se është për ndryshimin e sistemit zgjedhor, në aspektin si një qytet, por tha se shoqëria civile s’kishte një alternativë.

“ Kishte një kërkesë nga shoqëria civile për ndryshimin e sistemit zgjedhor. Palët vetëm propozuan ndryshimin e sistemit zgjedhor, por pa dhënë një alternativë.

Pyetja në këtë rast ishte nëse duhet të ndryshohet sistemi zgjedhor aktual. Procedurat kërkojnë që bashkë me pyetjen të jepet edhe alternativa. Do të ishte mirë të thuhej nëse sistemi aktual që të ndryshohet në sistemin x. Pra të jepet një alternativ.

Unë vetë jam për ndryshimin e sistemit zgjedhor, në aspektin si një qytet. Por mund të mos jem për lista të hapura, por për proporcional mazhoritar. Problemi është i atyre që e propozuar në këtë mënyrë. Por gjithsesi mund ta sjellin qysh nesër propozimin e riformuluar”, tha Biba.