Shifrat/ Alarmi nga koronavirusi në Shqipëri, si u 7-fishua numri i rasteve nga data 1 qershor

Në Shqipëri është rikthyer frika pas shpërthimit të rasteve me koronavirus. Situata më alarmante ka qenë tre ditët e fundit, ku numri i të infektuarve është rritur frikshëm.

Kurba arriti kulmin sot, ku u shënuan 44 të infektuar. Nëse u hedhim një sy shifrave, shihet se nga 1 qershori, kur u lehtësuan edhe masat, numri i të prekurve ditor është 7-fishuar.

Konkretisht me 1 qershor kishim 6 të infektuar, ndërsa më 11 qershor 44.

Edhe pse ministria ka drejtuar gishtin tek grumbullimet e qytetarëve, vetë spitalet janë kthyer në vatra infeksioni.

Konkretisht numri i të prekurve nga data 1 qershor deri në 11 qershor ka qenë si më poshtë:

1 qershor 6 të prekur

2 qershor  21 të prekur

3 qershor 20 të prekur

4 qershor 13 të prekur

5 qershor 15 të prekur

6 qershor 20 të prekur

7 qershor 14 të prekur

8 qershor 17 të prekur

9 qershor 36 të prekur

10 qershor 42 të prekur

11 qershor 44 të prekur

Aktualisht janë 52 pacientë të shtruar në spital, ndërsa 8 prej të shtruarve janë në terapi intensive, ndërsa numri i viktimave ka shkuar në 35.

Përpos këtyre 35 viktimave, në Shqipëri kanë humbur jetën edhe 5 persona të tjerë të infektuar me Covid-19, të cilët autoritetet shqiptare nuk i klasifikojnë si zyrtarisht viktima të Covid-19, pasi mendojnë se vdekja e tyre ka ardhur nga shkaqe të tjera.