“Zgjedhorja”, Ylli Rakipi: Nuk ka asnjë garanci, thjesht do t’i lënë Lulit gishtin në mënyrë biometrike si provë

Gazetari Ylli Rakipi, i ftuar në emisionin “Në fokus” në Tv T, ka komentuar reformën zgjedhore dhe faktin që nga kjo reformë, arritja më e madhe është identifikimi biometrik i votuesve.

Rakipi tha se kjo është qesharake dhe se në asnjë mënyrë, nuk mund të garantojë që votat nuk do të vìdhen.

“Është e çuditshme dhe qesharake,  të katandiset e gjithë problematika dhe nderi i kësaj reforme, tek votimi biometrik.

Kjo e tenderit të identifikimit biometrik,  duhet të sqarohet nga opozita, që të shpjegojë se nuk ka lojë tenderi por bëhet fjalë për sigurinë e votave. 

Duhet ta shpjegojë Lulzim Basha, Petrit Vasili, apo zonja Monika Kryemadhi, nëse nuk ka kohë Luli që del nëpër fshatra.

Une nuk e besoj edhe këtë metodën biometrike. Sepse këta njerëz që mund t’u merreshin kartat e identitetit, tani ai i sjell njerëzit këtu. 

Partia e madhe, është e pasur, sjell njerëzit këtu të votojnë, bëjnë dhe një weekend në Shqipëri, me autobuzë dhe avionë…

Pra, ata vijnë,  paraqiten, vendosin gishtin, i lënë dhe gishtin në mënyrë biometrike Lulit. 

Kjo mënyrë nuk mund të zgjidhë në asnjë mënyrë problemi e zgjedhjeve në Shqipëri“, u shpreh Rakipi.