Kryeinfermierja poston videon e dhimbshme kur heq veshjet mjekësore, nga çizmet e saj rrjedh djersë

Prej muajsh mjekët po përballen me vështirësi nga më të ndryshmet në misionin e tyre për trajtimin e pacientëve me Covid-19. Në këtë betejë janë përfshirë edhe infermierët.

Kryeinfermierja te infektivi Ana Luca ka postuar një video në ”Facebook”, ku tregon momentin kur ajo heq veshjet mjekësore.

Në pamjet e publikuara nga vetë ajo shihet edhe momenti kur mjekja heq çizmet e saj të mbushura me djersë dhe e derdh në tokë.

Ajo tregon punën dhe mundin e madh që po kalojnë mjekët gjatë këtyre muajve.

“Jane 5 muaj lufte. Me jane zbardhur floket, me eshte rrudhosur fytyra, por nuk me ka ikur buzeqeshja.

SEPSE NE JEMI TE GJITHE BASHKE! NE JEMI NE LUFTE ME COVID 19! TE HESHTUR e TE PERKUSHTUAR! NE FLASIM ME GJUHEN E SHERBIMIT MJEKESOR NGA NJE ARMATE E TERE PERSONELI MJEKESOR!

“Por ata që shpresojnë te Zoti fitojnë forca të reja, ngrihen me krahë si shqiponja, vrapojnë pa u lodhur dhe ecin pa u lodhur. Isaia 40:31”, ka shkruar Ana krahas videos.