Nga nesër ndryshon orari për përditësimin e situatës me virusin: Pse u mor ky vendim?
Ministria e Shëndetësisë njofton se nga dita e shtunë, me 18 korrik, përditësimi ditor i situatës së koronavirusit do të transmetohet në ERTV në orën 16:00 dhe në faqen e ministres Ogerta Manastirliu, dhe jo më gjatë paradites.
Si arsye e ndryshimit të transmetimit të informacionit dhe orarit për situatën me pandeminë në vendin tonë, përmendet sipas ministrisë fluksi i lartë i punës në ISHP, zgjerimi i kapaciteteve të testimit dhe raportimi i zgjeruar në 24 orë.
Njoftimi i plotë:
Nisur nga fluksi i punes 24/7 ne Institutin e Shendetit Publik, ku po punohet pa nderprerje ne cdo ore te dites dhe nates prej me shume se 4 muajsh si dhe nisur nga zgjerimi i kapaciteteve te testimit dhe per te permbushur raportimin 24 ore, perditesimi i situates se shkaktuar si pasoje e COVID19, duke filluar nga dita e shtune, date 18 Korrik e ne vijim, do te jete live ne oren 16:00 ne ERTV dhe ne faqen fcb te Ministres Manastirliu.
Duke ju falenderuar per mirekuptimin, ju uroj fundjave te mbare!
Lajmi vjen në një kohë kur ministrja Manastirliu njoftoi hapjen e laboratorit të dytë për testimet në QSUT.