Skandali në Elbasan/ Mjeku i familjes nuk funksionon, të sëmurëve u rrezikohet jeta: I bëjmë vizitat me pagesë

Sistemi i referimit nuk fuksionon dhe të sëmurëve kronik u rrezikohet jeta. Sabri Gurakuqi nga Elbasani i sëmurë kronik me probleme kardiake ankohet në emisionin Fiks Fare se sistemi i mjekut të familjes nuk fuksionon. Për këtë arsye i sëmuri e ka të pamundur të kryejë vizita tek mjeku specialist duke qenë i detyruar të shkojë në urgjencë, ku dhe aty mungon mjeku specialist. Qytetari na tregon se mjeku i familjes i ka thënë se planifikimi nuk mund të kryhet për shkak të situatës Covid-19.

Njëkohësisht qytetari na rrëfen se në poliklinikën qëndrore mund të vizitohesh kundrejt pagesës 1500 lekë. Për këtë arsye pacienti shprehet se kjo situatë nuk ka ardhur për të  mbrojtur popullatën nga pandemia, por për të përfituar privati duke i detyruar që vizitat t’i kryejnë me pagesë. Qytetari kërkon ndihmën e Fiksit, pasi i rrezikohet jeta.

Skandali në Elbasan/ Mjeku i familjes nuk funksionon, të

Gazetarët e emisionit Fiks Fare shkojnë në poliklinikën e specialistëve ku dhe  konfirmuan që mjeku i familjes duhet të bëj rekomandimin për vizitën tek mjeku specialist,  pasi sistemi fuksionon ose në të kundërt vizita kryhet nëpërmjet pagesës 1500lekë.

Skandali në Elbasan/ Mjeku i familjes nuk funksionon, të

Gazetarët kërkojnë mjekun e familjes i cili kishte ndërruar turnin. Shkojnë sërish ditën e dytë  dhe gazetarëve u thuhet se mjeku është me raport dhe nuk dihet se kur kthehet.  Në këto kushte ata pyesin se pse nuk  kryhen vizitat. Mjekja që ndodhet  në poliklinikë pohon duke treguar edhe me fakte se sistemi nuk fuksiononte. Për këtë ajo u mundua të hynte në sistem në prezencën e gazetarëve të Fiksit, por pa rezultat.  Kur  gazetarët i tregojnë mjekes se në poliklinikë u thanë se sistemi punon ajo përgjigjet se ” këtë e bëjnë për të sorrollatur njerëzit”. Ajo shton se njerëzit duhet të ankohen duke shkruajtur tek portali  qeverisë.

Skandali në Elbasan/ Mjeku i familjes nuk funksionon, të

Në këto kushte gazetarët iu drejtuan  Njësinë Vendore të Kujdesit Shëndetsor Elbasan për të marrë një përgjigje në lidhje me këtë situatë.  Drejtori i kësaj njësie  nuk pranon të japë intervistë, por u këkon të lënë në institucion një këkesë me shkrim dhe përgjigja e tij  do jetë po me shkrim. Por pas këmbënguljes së gazetarëve ai pohon se faji nuk qëndron tek NJVKSH-ja, por tek Operatori i Kujdesit Shëndetësor Elbasan i cili sipas drejtorit edhe pas vënies në dijeni për problemin nuk ka bërë asgjë.

Gjthashtu për të kërkuar përgjigje Fiksi Interesohet edhe pranë  operatorit,  ku drejtori i këtij institucioni  mohon që të jetë vënë në dijeni nga Njësia Vendore e Kujdesit Shëndetsor për problemin e mosfunksionimit të sistemit .Ai duke falenderuar emisionin Fiks Fare për ngritjen e këtyre shqetësimeve,    do të kërkojë informacion më të plotë e më të detajuar në lidhje me këtë problematik  për të parë se ku qëndron ngërçi i krijuar.  Por nuk e përjashton faktin se me rënien e Covid 19 u pakësua numri i rekomandimëve të mjekëve.

Back to top button
LAJMET E FUNDIT