“Virusi ka vdekje të shpejtë dhe shumë të dhimbshme”/ Mjekja e njohur: Më falet mua…

Ministrja e Shëndetësisë, Ogerta Manastirliu ka shpërndarë një mesazh të mjekes së njohur onkologë, Silvana Çeliku për situatën në vend nga Covid.

Çeliku u bën thirrje qytetarëve që të kujdesen dhe të respektojnë masat për t’u mbrojtur nga koronavirusi.

Ajo thekson se ky është një virus me sëmundshmëri shumë të lartë dhe me vdekje të shpejtë dhe shumë të dhimbshme.

“Jam gëzuar shpesh kur kemi fituar këtë betejë por edhe jam mërzitur shume kur kam patur humbje jete, me këtë virus qenka ndryshe. Ky është një virus me sëmundshmëri shumë të lartë, me vdekje të shpejtë dhe shumë të dhimbshme.

Shpesh i bej pyetje vetes, me falet mua te vdes nga një grip? Unë them jo, ne nuk dimë shume gjera për këtë virus, por dimë si te mbrohemi. Respektoni rregullat dhe së bashkë të mundohemi edhe një herë ta mposhtim këtë virus”, thotë mjekja e njohur.