“Është shumë e rëndë t’ia prishësh dasmën tjetrit”, kryebashkiaku Ndreu revoltohet ndaj Policisë: Në Vlorë lejohen

Kryetari i Bashkisë së Lezhës, Pjerin Ndreu thotë se ka një ndalim selektiv të dasmave dhe diskriminim për bizneset në qytetin e tij, nga ana e Policisë.

Përmes një postimi në rrjetet sociale teksa i bashkohet shqetësimit të pronarëve të lokaleve të dasmave në Lezhë, Ndreu thotë se “gjithkush e di se dasmat ne Shkoder, Tirane, Durres, Vlore etj. nuk i ndalon askush”.

Ai bën thirrje që ndalimi, përcaktuar me akt normativ për shkak të koronavirusit, të jetë njësoj për të gjithë.

“Jam pro shqetesimit te pronareve te lokaleve te dasmave ne Lezhe. Qe ka diskriminim me qytetet e tjera eshte krejt e qarte. Gjithkush e di se dasmat ne Shkoder, Tirane, Durres, Vlore etj. nuk i ndalon askush”- shkruan Ndreu.

Një ditë më parë pronarët e lokaleve të dasmave protestuan se policia po i gjiobiste vetëm ato dhe se lokalet e tjera po lejohen. Ata gjithashtu kërkuan masa lehtësuese dhe financime nga shteti për të shmngur falimentimin.

Postimi i plotë i Ndreut

Jam pro shqetesimit te pronareve te lokaleve te dasmave ne Lezhe. Qe ka diskriminim me qytetet e tjera eshte krejt e qarte. Gjithkush e di se dasmat ne Shkoder, Tirane, Durres, Vlore etj. nuk i ndalon askush. Shqetesimi yne eshte adresuar disa here. Dikush do dale te thoje se Akti Normativ thote kete dhe ate. Po dakord, po njelloj per te gjithe. Ose nje protokoll me numer te limituar pjesmarresish, sepse eshte shume e rende ti ndalosh dasmen tjetrit. Ata qe i shkruajne ca gjera si duket se kane haberin se ca dmth me te prishe dasmen.