Nis sot puna për Tunelin e rrugës Delvinë-Kardhiq, Rama nxjerr pamjet (Video)
Kryeministri Edi Rama, nëpërmjet një postimi në Facebook ka bërë të ditur se sot do të nisë puna për ndërtimin e tunelit të rrugës Delvinë-Kardhiq.
Kreu i qeverisë me anë të një videoje të shkurtër prezantuese ka bërë me dije se ka përfunduar loti i 1,2 dhe 3 ndërkohë që në lotët 4, 5, 6 realizimi fizik ka arritur në masën 80%.
“Mirëmëngjes dhe me lajmin e mirë të nisjes sot të punës për Tunelin e rrugës Delvinë-Kardhiq, që do të finalizojë lidhjen e një aksi strategjik të infrastrukturës sonë kombëtare, ku po punohet intensivisht për realizimin e një tjetër premtimi dhjetëra-vjeçar të të gjitha qeverive të mëparshme, ju uroj një javë të mbarë”, shkruan Rama.