Situatë kritike në vend/ 28 të vdekur në një javë, tre qarqet e frikshme dhe moshat më të prekura nga Covid-19

Teksa njoftoi shifrat e situatës së Covid-19 për 24-orëve të fundit, Ministria e Shëndetësisë bëri edhe një bilanc për javën që lamë pas.

Situata epidemiologjike në javën që lamë pas rezultoi me rritje të numrit të të prekurve nga Covid 19 dhe me shtrime të reja në spitalin Infektiv dhe “Shefqet Ndroqi”.

Java që sapo lamë, paraqiti nje shtim me 5.9% të numrit të rasteve pozitive krahasuar me rastet e konfirmuara në javën e 30.

Incidenca 7 ditore rezultoi 24.66 raste pozitive për 100 mijë banore. Incidencën më të lartë e ka qarku i Tiranës, ndjekur nga qarku i Durrësit dhe i Shkodrës.

Sa i përket grupmoshave të prekura % më e madhe e të infektuarve është në grupmoshat 55-64 vjeç, që përbëjnë rreth 20% e totalit të të prekurve.

Ndërkohë gjatë 24 orëve të fundit, janë kryer 474 testime për të dyshuar të prekur nga Covid 19, ku 101 persona janë konfirmuar të prekur nga virusi Covid 19 ndërsa kanë humbur jetën 6 persona.