Kosova gati një spital tjetër Covid me 500 shtretër, Zemaj: Po komunikojmë me OBSH për sigurimin e vaksinës

Kosova ditën e fundit ka shfaqur një numër në ulje të viktimave dhe të infektuarve nga Covid-19.
Edhe pse situata duket se po shkon drejt normalizimit Kosova po përgatitet për çdo skenar të mundshëm.
Ministri i Shëndetësisë në Kosovë, Armend Zemaj bën me dije se në Prishtinë për disa ditë do të jetë gati Spitali për COVID-19, me 500 shtretër.
Ndër të tjera me anë të një postimi në rrjetet sociale ai shkruan se po komunikojmë me COVAX/OBSH për sigurimin e vaksinës së mundshme kundër Covid-19, si dhe po bëjnë veprimet e nevojshme në pajtim me situatën.
Postimi i plotë:
Përderisa shtetet evropiane po ballafaqohen me përhapjen e shpejtë të virusit dhe raportojnë numër të lartë të infeksioneve me Sars Covid-19, ne po përgatitemi për çdo skenar.
Ministria e Shëndetësisë, ditëve në vijim do ta bëjë gati “Spitalin për Covid-19”, me 500 shtretër në Prishtinë.
Po komunikojmë me COVAX/OBSH për sigurimin e vaksinës së mundshme kundër Covid-19, si dhe po bëjnë veprimet e nevojshme në pajtim me situatën.
Ne jemi nën presion edhe nga bizneset si pasojë e mos votimit të “Projektligjit për Rimëkëmbjen Ekonomike” e që po na vështërson përpjekjen tonë kundër virusit.
Mos miratimi i Projektligjit po rrezikon mbijetesën e shumë bizneseve dhe mirëqenien e qytetarëve.
Është shqetësuese dhe për keqardhje, sepse po ndodh, për shkak të tekeve të disa deputetëve.
Në parandalimin e përhapjes së virusit duhet kujdes, shumë KUJDES! Kërkohet respektim i masave parandaluese!
Vendosni maskën!
Mbani higjienën!
Respektoni distancën!