Media e njohur: COVID-19 mbush spitalet me të sëmurë, por gjysma e kosovarëve s’besojnë se virusi ekziston

Në Kosovë, numri i infeksioneve të reja me koronavirus vijon të mbetet i lartë, ndërsa po ashtu shuam persona kanë humbur jetën.

Në një artikull kushtuar situatës së koronavirusit në Kosovë, media prestigjioze, “The Guardian”, thotë se pavarësisht se shtretërit e spitaleve janë mbushur me pacientë, gjysma e kosovarëve nuk besojnë në ekzistencën e virusit.

Artikulli i plotë:

Brenda spitaleve të Kosovës, shtretërit po mbushen me të sëmurë e viktima, ndërsa Covid-19 ka shkuar edhe në një nga cepat më të varfra të Evropës.

Por jashtë rrugëve, një e treta e popullsisë beson se pandemia është një mashtrim i pastër, sipas një sondazhi të fundit që ka tronditur një qeveri që tani përpiqet të trajtojë “murtajën” e mosbesimit.

Kosova ka parë kohët e fundit disa nga nivelet më të larta të vdekjeve nga Covid-19 në Evropë, ndërsa ka një nga sistemet më të dobëta të kujdesit shëndetësor.

Në një përpjekje për të bindur publikun për rreziqet e vërteta në fjalë, qeveria ka vendosur të lejojë media në pavijone spitalore të mbyllura më parë për të filmuar vuajtjet.

“Tregojuni atyre që nuk besojnë atë që keni parë këtu,” i tha një kanali televiziv vendas një i moshuar i rraskapitur, duke u rikuperuar në klinikën e sëmundjeve infektive pas një beteje dy-javore me sëmundjen e rëndë.

“Mos bëni shaka me këtë. Si mundet dikush të besojë në një gënjeshtër se virusi nuk ekziston? ” shtoi ai.

“Të them të drejtën, unë besoja se nuk ekzistonte. Tani, pas ferrit që kalova, jam i bindur dhe po i tregoj të gjithë kombit, ”tha një grua e moshuar, e cila ishte trajtuar me terapi oksigjeni për javë të tëra.