Qendra e Re Turistike e Valbonës, Rama: U shkund pluhuri i harresës, Tropojën e kanë shfrytëzuar… (FOTO)

Kryeministri i vendit, Edi Rama, ka publikuar mëngjesin e sotëm Qendrën e Re Turistike të Valbonës, e cila do të jetë në shërbim të turistëve në këtë vend.

Tropoja njihet për bukurinë e maleve dhe lumenjve të saj. Përmes një postimi në rrjetet sociale, Rama shkruan se në këto 7 vjet është shkundur pluhuri i harresës së turpshme të atyre që Tropojën e kanë shfrytëzuar veç për vota e luftëra absurde politike.

“Mirëmëngjes dhe me Qendrën e Re Turistike të Valbonës, pjesë e programit të qendrave mikpritëse të Fondit Shqiptar të Zhvillimit, e cila ka hapur dyert për turistët që të shijojnë mrekullitë e Tropojës së bukur, ku në këto 7 vjet kemi shkundur pluhurin e harresës së turpshme të atyre që Tropojën e kanë shfrytëzuar veç për vota e luftra absurde politike, ju uroj një të dielë të qetë”, shkruan Rama.