Barka flet për çështjen e detit: Greqia do pranojë çdo vendim të Hagës, Shqipëria jo

Për vendimin e Shqipërisë dhe Greqisë për të çuar në Gjykatën e Hagës çështjen e detit ka folur edhe analisti Panajot Barka.

Ai është shprehur se vendimi i Gjykatës do të pranohet nga Greqia, por jo nga Shqipëria, ndërsa shton se e thotë këtë duke gjykuar historinë dhe interesat.

“Kryeministri nuk foli për të zgjidhur problemin në bazë të etapave të duhura. Por e lidhi për të shpëtuar apo për të dhënë përgjigje për ato që merren me nacionalizmin përpara zgjedhjeve. Problemi është që ata që përkrahin zgjidhjen tani flasin me rezerva. Greqia nuk kishte hezitim të shkonin në Hagë. Kishin hezitim për ndërmjetësimin e një pale të tretë. Derisa kemi frikë tani, kjo do të thotë se atje mund të ndodhë që të trajtohet ndryshe nga ajo që është propaganduar deri më tani. Unë them që gjykata e Hagës është një zgjidhje për të hequr nga vetja ngarkesën emocionale që kemi mbi vete. Ajo ka një procedurë tjetër të gjatë dhe përsëri çështja do zgjidhet por sërish do të krijojë rezerva mes dy shteteve. Greqia do të pranojë çfarëdolloj vendimi që do të jepet nga gjykata ndërkohë në Shqipëri nuk do të pranohet. Kjo duke gjykuar historinë dhe interesat” – tha Barka.