DITA E 20-të e GREVËS SË URISË, Rrjeti i Avokatëve në Mbrojtje të Punëtorëve letër Ramës dhe Metës

Naftëtarët e Ballshit prej 20 ditësh janë futur në grevë urie, pasi kërkojnë pagat e tyre dhe rikthimin në punë.

Bëhet me dije se Rrjeti i Avokatëve Ndërkombëtarë në Mbrojtje të Punëtorëve i ka dërguar ditën e sotme një letër kryeministrit Edi Rama dhe presidentit Ilir Meta në lidhje me këtë grevë.

Në letër thuhet se mos pagimi i pagave bie ndesh me kontratën kolektive, me Kodin e Punës si dhe me konventat e ratifikuara nga qeveria shqiptare në vitin 2001.

Kujtojmë që kjo është dita e 20-të e grevës së urisë, ndërsa në ditën e 18-të, 10 naftëtarë e kanë lënë grevën e urisë për shkak se gjendja e tyre shëndetësore është përkeqësuar, ndërsa janë zëvendësuar nga bashkëshortete e tyre.

Naftëtarët kërkojnë që të marrin pagat e prapambetura dhe të rifillojnë punën, edhe pse janë prej 20 ditësh në grevë urie, ende nuk ka asnjë reagim.