Itali/ I riu shqiptar zgjidhet këshilltar për Politikat Rinore në Toskana

Një i ri shqiptar në Toskana të Italisë ka arritur me sukses të bëhet pjesë e jetës politike në vendin ku jeton. Bernard Dika u caktua si Këshilltar për Politikat Rinore dhe Inovacionit në rajonin e Toskanës.

Dika ka shprehur mirënjohjen dhe ka falenderuar Presidentin e Rajonit, Eugenio Giani që i ofroi mundësinë të shërbente në Toskanë si Këshilltar i tij për Politikat Rinore dhe Inovacionin. Gjithashtu falenderoni dhe shumë njerëz me të cilët ka punuar në këto vite angazhimi. Bernard Dika pati mundësinë ta fillonte rrugëtimin e tij me një bisedë të gjatë me Kryeministrin Giuseppe Conte.

“Unë kthehem të bëj atë për të cilën jam më i apasionuar: punën në institucione duke dhënë përgjigje të shpejta dhe konkrete për nevojat e brezit tim. Ishte mirë të filloja këtë sfidë të re me një bisedë të gjatë me Kryeministrin Giuseppe Conte. Tani koha për të punuar!” shprehet shqiptari Dika.