‘Jemi shumicë, pa nevojën e koalicioneve të turpshme me LSI’/ Ish kryetari i PD-se: Basha ka bërë partinë të pabesueshme
Ish-kreu i degës së PD-së në Kukës, Ibsen Elezi ka reaguar për skandalin e denoncuar nga emisioni Fiks Fare, në lidhje me procesin e votimit të kandidatëve të PD-së, ku gazetarët kanë mundur të votojnë në më shumë se një qendër votimi dhe pa qënë fare anëtar të PD-së.
Në një postim në rrjetet sociale, Elezi shkruan se thekson se prej vitit 2017, është vërtetuar se problem më I madh ishte demokracia e brendshme në PD.
“Problemi yne me i madhe se Rama eshte demokracia.
Ne 2017 pas skandalit te emerimit te listes deputeteve per nje nate si me qene liste dasmoresh (edhe ajo s’behet per nje nate), demokracia e brendeshme ne PD u evidentua si problemi yne me i madh.
Jo se probleme me demokracine e brendeshme nuk ka patur me pare, per mos te thene qe ka qene pothuajse formale, por qe te arrihet deri ne ketë pike ka qene e paimagjinueshne per njerez normal.
Ne fakt listat e 2017 ishin edhe nje testim apo matje pulsi, ata qe e ben provuan se me “demokratet” mund te besh c’te duash e te tallesh si te duash.”-shkruan Ibsen Elezi.
Më tej, ai thekson se ky process u pasua nga të tjera manipulime, siç ishte sipas tij zgjedhja farsë e kreut të PD-së.
“Fill pas ndodhi:
-Zgjedhja farsë, e manipuluar e kryetarit te PD.
-Zgjedhja farsë e kryetareve te degeve.
-Zgjedhja farsë e strukturave drejtuese te PD.
-Largimi nga parlamenti dhe jo largimi i Rames
– Shitja e 60 bashkive (imagjinoni nje mandat 4 vjecar dhuruar Eriones)
– Se fundmi edhe procesi i talljes me perzgjedhjen e kandidaturave per deputet dhe kryetar bashkie.”-shkruan Ibsen Elezi.
Duke komentuar gafat e Lulzim Bashës, ai shkruan se “Mos u merrni me lapsuset e Lylit, sado te trasha te jene, merruni me thelbin e asaj qe po ndodh, sekti uzurpator Sorosjan dhe ish-komunist sot po perdhos demokracine ne PD.
Demokracia ne PD eshte arma me e fort e saj, eshte ajo qe e ben te besueshme ne elektorat, eshte e vetmja garanci qe fytyra e qeverisjes se neserme do jete demokratike.
Arma qe e ben lehtesisht shumice pa nevojen e koalicioneve te turpshme me LSI etj.”.
Sipas Elezit, lufta per ta bere demokratike eshte me e madhe dhe e rendesishme se turravrapi per nje vend ne parlament ne kembim te heshtjes.
“Procesi skandaloz i fundit eshte parafushata me e keqe qe tregon se uzurpatoret e PD kane halle te medha dhe plane te tjera, por jo fitoren e PD.
– Eleminimi pa kritere nga gara i shume demokrateve qe plotesonin kriteret e shpallura, nga nje komision i turpshem.
– Gara e “perzgjedhjes” ku antaret nuk perzgjedhin dot.ate qe duan.
-Procesi skandaloz ku komisionet jashte cdo norme emeroheshin nga qendra dhe asnje nga deget.
– Nje proces kryekeput jotransparent.
Keto jane probleme qe e bejne PD te pabesueshme ne syte e elektoratit.
Nuk fitohet me parrulla dhe me argumentin se Rama eshte me i keq.
Te gjithe ata ” demokrat” qe heshtin jane kontribuesit e vertete te Rames dhe sistemit mafioz neo-komunist qe ai ka ngritur.”-përfundon postimin e tij Ibsen Elezi.