“Jo diktaturës së shëndetit”- Trazira në rrugët e Romës, qytetarët mbushin sheshin për të kundërshtuar masat anti-covid

Qytetarët italianë nuk i kanë pritur mirë masat e reja të qeverisë, me qëllimin për të parandaluar përhapjen e koronavirusit.

Qindra njerëz u mblodhën në Piazza sel Popolo në qendër të Romës, për të protestuar kundër orës policore dhe masave të tjera kufizuese.

Policia urdhëroi shpërndarjen e marshimit, por kjo bëri që protestuesit të përgjigjeshin duke hedhur drejt tyre fishekzjarrë dhe bomba tymuese. Shumë prej tyre u shoqëruan.

Me pankarta nëpër duar, protestuesit thërrisnin “jo diktaturës së shëndetit”.

Qeveria italiane ka marrë vendimin për të ndaluar udhëtimin midis rajoneve, mbylljen e bareve dhe restoranteve në orën 18:00 dhe të dielave, aktivitetet e shërbimeve të hotelerisë do të pezullohen.

Po ashtu, konsumimi në restorant lejohet për një maksimum prej katër personash për tryezë.