Mesazhi I FORTË i Ramës para ambasadorëve: Nëse SPAK nuk fut në burg gjyqtarët e korruptuar, do jetë zhgënjim për ju dhe shqiptarët! ‘Koka’ s’janë politikanët

Kryeministri Rama “u ka bërë të qartë” ambasadorëve të akredituar në Tiranë se nëse SPAK nuk dënon dhe çon në burg gjyqtarët e korruptuar që vettingu i ka nxjerr vetëm nga sistemi, ai do jetë zhgënjim për të gjithë shqiptarët dhe “miqtë e vendit”.
“Nuk ata nuk do ndëshkohen, atëherë do jetë e largët dita kur goditja do ngjitet më lart. Kjo është premisa mbi të cilën sipas këndvështrimit tim duhet të fokusohet e gjithë përpjekja e institucioneve të reja të drejtësisë. Kjo është premisa e cila SPAKUN do ta bëj institucionin që të gjithë keni shpresuar dhe shqiptarët kanë shpresura.
Përndyrshe SPAK do jetë zhgënjimi më i madh i shqiptarëve nga Reforma në Drejtësi. Do jetë goditja më e madhe morale që do t’i bëhet popullit shqiptar pas gjithë këtij angazhimi të madh. Dhe do jetë dështimi më i madh i gjithë miqve dhe partnerëve të Shqipërisë që janë përfshirë në këtë proces.
SPAK ka misionin të pastrojë deri në fund ata që vettingu i pastron vetëm nga fusha e sistemit. Ti pastrojë nga fusha e jetës shoqërore dhe ti cojë në burg për të gjitha ato që i kanë bërë këtij vendi duke përdorur cekicin nga mënyrat më barbare. Kjo do jetë kthesa e madhe përfundimtare, që do e bëj Shqipërinë Europiane këtu, pavarësisht cdo ndodh me vendimet e Brukselit”, tha Rama, nga konferenca e nivelit të lartë AntiKorrupsion.
Më tej, kryeministri tha se politikanët nuk janë “koka” e korrupsionit, por korporata e gjyqtarëve dhe prokurorëve të korrupstuar.
“Koka e korrupsionit në Shqipëri nuk janë politikanët. Nuk kanë qenë politikanët pavarësisht se kanë qenë pjesë nuk diskutohet. Koka ka qenë korporata e këtyre gjykatësve dhe prokurorëve që kanë garantuar pandëshkueshmëri në sistem dhe që drejtësinë e kanë përdorur për hesape që s’kanë lidhje me hesapet e shtetit. Po të mos kishin qenë këta, s’do kishte qenë as korrupsioni spektakolar dhe ndonjëherë vrastar i politikanëve”, shtoi kryeministri.