“Po krijon Shqipërinë e Madhe”- Rama i drejtohet Vuçiç pas akuzës së ministrit serb: Uroj të jetë meme, përndryshe…

Kryeministri Edi Rama ka reaguar pas deklaratës së ministrit të Mbrojtjes së Serbisë, Aleksandar Vulin, i cili tha se dhënia e portit të Durrësit Kosovës është përpjekje për të krijuar “Shqipërinë e Madhe”.

Me nj shënim në twitter, Rama i drejtohet Presidentit të Serbisë, Aleksandër Vuçiç, duke i thënë se shpreson që kjo deklaratë të jetë meme, një shaka.

“Aleksandër Vuçiç është kjo e vërtetë apo është një meme që tallet me trurin e kulluar dhe gojën e ndyrë që mbajti të gjithë rajonin tonë në errësirë ??për shekuj? Unë uroj shumë që të jetë një meme, përndryshe kjo do të ishte një shfaqje e dëshpëruar e të menduarit të mjerë që duhet ta dënoni pa asnjë dyshim!”, shkruan Rama.

Vulin tha në deklaratën e tij se  “Shqipëria e Madhe” është një lajm i “një katastrofe të madhe, prishjes dhe shkatërrimit të shteteve dhe kombeve në Ballkan”

“Shqiptarët mund të bashkohen dhe mund të marrin territoret e njerëzve të tjerë dhe serbët nuk mund të bashkohen as në tokën e tyre, kështu që përsëritet gënjeshtra se Shqipëria e Madhe është një Shqipëri e natyrshme dhe serbët e bashkuar në një shtet janë një kërcënim për paqen”, shtoi ai mes të tjerash.