Qeveria e re serbe: Vuçiç bën ministër të Brendshëm njeriun që i quajti shqiptarët “racë inferiore”

Aleksandër Vuçiç ka shpërthyer polemika të shumta në mediat e vendit të tij pas miratimit të qeverisë së re të vendit, që erdhi katër muaj pas zgjedhjeve parlamentare. Në ekzekutivin e ri të drejtuar nga Ana Brnabiç, që Vuçiç sërish e emëroi kryeministre, dominojnë gratë, pjesëtarët e komunitetit LGBTI, por edhe elementët e fortë antishqiptar.

Kështu në postin më të rëndësishëm të qeverisë atë të ministrit të jashtëm është emëruar ish-ministri i Drejtësisë, Nikola Selakoviç, pjesëtar i komunitetit LGBTI si dhe kryeministrja Ana Brnabiç. Ndërkaq, antishqiptarin Aleksandër Vulin e ka emëruar ministër të Brendshëm, duke bërë rokadë me Nebojsha Stefanoviçin që ka kaluar në ministrinë e Mbrojtjes.

Qeveria e re ka 11 gra nga 21 anëtarë qeveri, ndërkohë që është larguar nga kabineti njeriu më i rëndësishëm i Moskës, Ivica Daçiç.

Partia Socialiste e Daçiç ka marrë ministrinë e Arsimit, por ende nuk është caktuar emri i ri. Nuk është caktuar ende se kush do të drejtojë Zyrën për Kosovën që deri tani e ka mbajtur Marko Gjuriç, i cili sipas gjasave do të mbajë të njëjtin post.

Aleksandër Vulin, dy javë më parë hyri në një polemikë të fortë me Edi Ramën, pasi e akuzoi për bashkim me Kosovën. Vulin i quajti shqiptarët si racë inferiore, çka shkaktoi një revoltë të madhe në rrjetet sociale.

Emrat e qeverisë serbe

Ministria e Punëve të Jashtme – Nikola Selakoviç

Ministria e Punëve të Brendshme – Aleksandër Vulin

Ministria e Tregtisë, Turizmit dhe Telekomunikacionit – Tatjana Matiç

Ministria e Transportit, Ndërtimit – Tomislav Momiroviç

Ministria e Financave – Sinisha Mali

Ministria e Ekonomisë – Andjelka Atanaskoviç

Ministria e Minierave dhe Energjisë – Zorana Mihajloviç

Ministria e Bujqësisë – Branislav Nedimoviç

Ministria e Mbrojtjes së Mjedisit – Irena Vujoviç

Ministria e Drejtësisë – Maja Popoviç

Ministria e Administratës Shtetërore dhe Vetëqeverisjes Lokale – Marija Obradoviç

Ministria e Mbrojtjes – Nebojsha Stefanoviç

Ministria e Integrimit Evropian – Jadranka Joksimoviç

Ministria e Arsimit, Shkencës – Në pritje të vendimit të SPS

Ministria e Shëndetësisë – Zlatibor Lonçar

Ministria e Punës dhe Çështjeve Sociale – Darija Kisiç Tepavçevic

Ministria e Rinisë dhe Sporteve – Vanja Udoviç

Ministria e Kulturës dhe Informacionit – Maja Gojkoviç

Ministria e të Drejtave të Njeriut dhe Minoriteteve dhe Dialogut Social – Gordana Comiç

Ministria e Kujdesit Familjar – Ratko Dmitroviç

Ministria e Kujdesit për Fshatin – Milan Krkobabiç