Tjetër humbje në moshë të re! I shtruar prej disa ditësh tek Infektivi, ndërron jetë nga COVID 34-vjeçari nga Korça

Vdes në spitalin infektiv 34-vjeçari nga Korça.

I riu ishte i infektuar me Covid-19 dhe prej disa ditësh ishte i shtruar në spitalin infektiv në QSUT.

Burime nga QSUT konfirmuan se pacienti ka ndërruar jetë ditën e sotme.

Burimet zyrtare në QSUT thonë se i riu ka paraqitur vështirësi në frymëmarrje, shkruan “Shqip”.

Po sot, një rast tragjik u shënua në Tiranë ku humbi jetën një 43-vjeçar si pasojë e Covid, zyrtar i bashkisë së Tiranës.

Mjekët bëjnë apel që asnjë simptomë që lidhet me Covid nuk duhet neglizhuar.

Temperatura, lodhje e trupit apo kolla janë disa nga sinjalet që jep organizmi në rast se preket nga virusi.

Sipas mjekëve, virusi nuk kalon lehtë, me qetësues apo duke e shpërfillur sepse nga vetë natyra tinëzare e tij, pasojat e goditjes që i bën organizmit shfaqen disa ditë më vonë, atëherë kur nuk e pret.

Ditën e sotme, zyrtarisht ministria e Shëndetësië raporti se kishte katër humbje jete.

Që nga nisja e pandemisë kanë humbur jetën 425 persona.

Back to top button
LAJMET E FUNDIT