Xhudistja shqiptare fiton medaljen e artë në Hungari
Xhudistja kosovare Distria Krasniqi ka fituar medaljen e artë në “Grand Slam”-in e Hungarisë.
Sot, sportistja nga Peja mposhti argjentinasen Paola Pareto në kategorinë deri në 48 kg.
Rrethin e parë, Distria e kaloi pa luftë, ndërsa në atë të dytë ishte më e mirë se hungarezja Eva Csernoviczki. Në rrethin e tretë, përkatësisht në çerekfinale, Krasniqi e mposhti francezen Shirine Boukli.
Për 24-vjeçaren Krasniqi ishte medalja e dytë e artë në “Grand Slam”-e. Në muajin shkurt ishte e para në podium në “Grand Slam”-in e Parisit, ndërsa i dyti erdhi pas tetë muajsh.