Basha i shmanget sërish çështjes së UÇK-së: Refuzon të flasë për akuzën e Latif Gashit

Kryetari i Partisë Demokratike Lulzim Basha edhe në intervistën e radhës pas shpërthimit të çështjes së të kaluarës së tij në Kosovë, sërish ka qenë i paqartë dhe nuk ka sqaruar historinë e tij. Në më shumë se një rast, Basha i është shmangur pyetjeve të gazetarëve për këtë çështje.

Baton Haxhiu ka deklaruar se është gati të vërtetojë se kreu i PD-së ka qenë pjesë e përgatitjeve të materialeve në ngarkim të Fatmir Limajt.

Ndërkaq, pyetjes se a ka qenë me ekipin që ka shkuar në shtëpinë e komandantit të UÇK-së për zonën e Llapit, Latif Gashi, Lulzim Basha ju shmang duke thënë që këtë ta thotë Batoni.