Konspiracionisti Alfred Cako lëshon sfidën: Dua të futem te Infektivi pa maskë dhe të marr në intervistë pacientët, Silva Bino…

Të shumtë janë ata njerëz që nuk e besojnë pandeminë e Covid-19.
Një ndër ta është edhe konspiracionisti, Alfred Cako, i cili është gati për të marrë një “sfidë”.
Në rubrikën “Rrethi Katror” të emisionit “E Diell”, Cako pohoi se është gati të futet në ambientet e spitalit infektiv, madje pa maskë.
Cako i bëri thirrje autoriteteve që ta lejojnë teksa premtoi intervista me pacientët që po “luftojnë” me virusin Covid.
“Këta kanë dhënë me qëllim mjekime të gabuara sepse qëllimi i këtyre është vdekja e njerëzve pakësimi i popullsisë dhe nuk është qëllimi i këtyre shërimi i njerëzve. Unë e kam thënë edhe më parë nëpërmjet rrjeteve sociale. Të futem unë tek Infektivi me shoqërinë “Novax”, të hymë tre katër persona, të hy sa herë të dua unë dhe të marr njerëzit intervistë, pse nuk ua lënë telefonat celularë? Përse hidhen njerëzit të vrasin veten?
Më ka bërë një sfidë Silva Bino në rrjete sociale do të lëmë shumë shpejt të hysh, por nga ajo herë janë tërhequr. T’i bëj edhe një sfidë kryeministrit i cili thotë mos dëgjoni këta konspiracionistët”, tha Cako.