Koronavirusi/ Meta: Mjekët dhe personeli mbështetës i spitaleve COVID, të mbështeten financiarisht

Presidenti Ilir Meta ka kërkuar sot që mjekët, infermierët, personeli mbështetës i spitaleve COVID dhe mjekët e familjes, duhet të mbështeten me trajtim financiar nga shteti.

Me një shënim në facebook, Meta thekson se kjo masë është e domosdoshme, për shkak të ekspozimit të tyre ndaj rrezikut të infektimit

“Koha për të vepruar nuk pret më”, thotë Meta mes të tjerash.

Postimi i plotë:

Mjekët, infermierët dhe personeli mbështetës i spitaleve COVID, i qendrave rajonale, si dhe mjekët e familjes, për shkak të ekspozimit ndaj rrezikut infektiv duhet të mbështeten me trajtim financiar suplementar nga shteti.

Shtimi i rasteve së humbjes së jetëve nga radhët e bluzave të bardha, e bën këtë masë të domosdoshme.

Koha për të vepruar nuk pret më.