Presidenti i FSHF, Duka i kënaqur me fitoren: Krenar për arritjet e futbollit shqiptar, historia vazhdon…

Kombëtarja Shqiptare e mbylli me sukses edicionin e dytë të Ligës së Kombeve, pasi mposhti 3-2 Bjellorusinë dhe u rendit në krye të grupit, duke fituar të drejtën për t’u ngjitur në Ligën B.

Në fund të ndeshjes ishte edhe kreu i Federatës Shqiptare të Futbollit që uroi djemtë e skuadrës kuqezi për suksesin e arritur dhe shprehu gjithë krenarinë për paraqitjen e tyre këtë edicion.

Reagimi i Dukës në Facebook:

Fitore e madhe, që erdhi në çastin e duhur. Sot djemtë kuqezinj na dhuruan emocione, sakrificë, kualitet, gola dhe mbi të gjitha për ngjitjen një grup më lart në UEFA Nations League. Një objektiv i realizuar. Ndjehem krenar për kombëtaren dhe stafin e saj. Krenar për arritjet e futbollit shqiptar. Historia vazhdon…