Publikohet foto, ja kush është terroristi me origjinë shqiptare që mori pjesë në sulmin në Vjenë

Personi që shihni në foto është Kurtin S., 20-vjeçari me origjinë shqiptare, i cili mori pjesë në sulmin e rëndë në Vjenë të Austrisë, ndërsa u ekzekutua më pas nga policia.
Ai ishte një prej terroristëve që hapën zjarr, duke i marrë jetën katër personave, e duke lënë të plagosur 15 të tjerë.
Gazetari austriak Florian Klenk ka deklaruar se Kurtini është lindur dhe rritur në Vjenë, por ka rrënjë shqiptare, por prindërit e tij janë nga Maqedonia e Veriut.
Klenk tregon se i riu ka qenë nën vëzhgimin e Shërbimit Sekret pasi ishte mes 90 islamikëve që kishin synim të shkonin në Siri, por u ndalua në korrik.
Kryeqyteti austriak Vjena, është tronditur mbrëmjen e djeshme nga një sulm me armë nga 10 persona, të cilët kanë qëlluar me armë kalimtarë të ndryshëm në qendër të qytetit. Disa persona janë arrestuar.