Raporti Dick Marty, Balla: Ja si votoi pro PD, në procesin që nisi që në 2008 nga një përfaqësues i Rusisë

Kreu i grupit parlamentar të PS, Taulant Balla deklaroi sot në parlament se procesi për që çoi në miratimin e rezolutës së Dick Marty-t ka filluar që në 2008,nga një deputet i Asamblesë Parlamentare të Europës, përfaqësues i Federatës Ruse

Balla tha se Kuvendi e ka detyrë morale të qartësojë disa çështje që lidhen me Shqipërinë, ku pretendohet se ka patur krime lufte trafik organesh në të ashtuquajturën “Shtëpi e Verdhe” në Mat dhe në Has e Kukës.

“Duhet kohë për propozimin tim. Nuk mund të krijojmë një komision parlamentar mbi gjykatën. Të paktën gjykata që po heton komandantet e UÇK-së, nuk është një gjykatë ndërkombëtare, por vendore. Duhet  të kuptojmë një gjë, ne kemi detyrim moral si Kuvend të qartësojmë disa çështje që lidhen me Shqipërinë. Kemi patur maxhorancën e 2011, që votoi pro një resolute për investigimet për pretendimet për trajtim çnjerëzor dhe trafik organesh nga UÇK. Procesi i nisur mbi një resolute të vitit 2008, paraqitur nga një përfaqësues i Federatës Ruse në Këshillin e Europës. Procesi për që çoi në miratimin e rezolutës së Dick Marty-t ka filluar që në 2008,nga një deputet I Asamblesë Parlamentare të Europës, përfaqësues I Federatës Ruse. Në atë rezolutë janë vënë çështje që lidhen me territorin e Shqipërisë në Mat, në Has, në Kukës. Në Shqipëri, sipas institucioneve vendase, as të Shtëpia e Verdhe, as në Has, as në Kukës, nuk ka patur krime. Ne si Kuvend duhet të ngremë një Komision të Posaçëm, të mos bëjmë vetëm rezolutë. Lufta për liri nuk është kurrë krim lufte.”