U gjet në rrugë, policia kërkon ndihmën e qytetarëve për 78-vjeçaren që nuk mban mend shtëpinë

Policia e Durrësit kërkon ndihmën e qytetarëve për të bërë të mundur gjetjen e familjarëve të një 78-vjeçareje. Mësohet se e moshuara u gjet në Shkozet pasditen e sotme, por ajo ka probleme me kujtesën dhe nuk mban mend shtëpinë dhe as familjarët e saj.

Sipas policisë, zonja gëzon shëndet të mirë dhe aktualisht gjendet në ambiemtet e DVP Durrës.

“Gjatë pasdites, në Shkozet, është gjendur e vetme në rrugë shtetasja Zyra Selimi, 78 vjeçe, e cila është në gjendje të mirë shëndetësore, por nuk mban mend banesën e saj dhe të dhëna të familjarëve.

Aktualisht kjo shtetase gjendet në ambientet e DVP Durrës.

Familjarët e saj ose çdo person tjetër që ka kontakte me ta mund të telefonojë në 129 ose mund të paraqitet në ambientet e DVP Durrës“

Back to top button
LAJMET E FUNDIT