“Vetëm Zoti e di se çdo të bëjë”/ Këshilltarët braktisin Trumpin: Mbaroi!

Mediat e huaja raportojnë se presidenti Donald Trump nuk do ta pranojë humbjen, ndërsa demokrati Joe Biden po thellon vazhdimisht avantazhin, duke “çimentuar” fitoren e tij.

Presidenti duket se po ngel vetëm në betejën e tij, pasi sipas CNN, disa nga këshilltarët e tij në Shtëpinë e Bardhë kanë filluar që të largohen pas kthimit të rezultatit të votimeve në Pensilvani dhe Georgia.

“Ka mbaruar”, tha një këshilltar kryesor i administratës. Këshilltari vazhdoi duke thënë se ka shqetësime për atë që do të bëjë Trump, nëse ai do ta pranojë humbjen.

“Zoti. Kush e di”, tha këshilltari kur u pyet se çfarë mund të bënte Trump më pas. Në vijim, ai tregoi edhe një prapaskenë, kur tha se shumë zyrtarë në Shtëpinë e Bardhë po tundnin kokën pas shumë deklarimeve të Trump të enjten në mbrëmje për manipulim të votave.

Një këshilltar i fushatës e përshkroi Trump si të izoluar në pretendimet e tij për manipulim të votave. “Ai është vetëm” tha ai. Po i njëjti këshilltar, shtoi se ka ende disa ndihmës rreth presidentit që i thonë atij atë që dëshiron të dëgjojë.