Dhuna në protesta, Frrok Çupi: Ka nisur revolucioni “Gjiri i Lalzit”

Analisti Frrok Çupi ka deklaruar në emisionin Top Talk në Top Channel se dhuna e shprehur në shkatërrimet në Tiranë, janë një logjikë politike që është thirrur nga Sali Berisha dhe Ilir Meta dhe do të vijojë edhe në ditët e ardhshme deri në zgjedhje.

“Kjo është një lëvizje që mund të quhet Gjiri i Lalzit që duket është menduar e vetmja mënyrë për të mos humbur zgjedhjet dhe për të imponuar politikën në Shqipëri”, deklaroi Çupi.

Duke folur për vrasjen e Klodjan Rashës, Çupi tha se opozita mund ta përdorë politikisht tragjedinë por dhunë nuk ka të bëjë me përdorimin politik, por me një logjikë që kërkon t’i imponohet shoqërisë./GazetaShqip