“Erdha nga Italia për ta varrosur”- Tha se ishte e motra e Klodian Rashës, gazetarja: Vajza mashtroi

Të gjithë u prekën nga rrëfimi i një vajze gjatë protestës për Klodjan Rashën, e cila tha se ishte e motra e të riut, i cili u vra nga një efektiv policie.

Por në fakt, gazetarja “Top Channel”, Kristi Gongo, pas verifikimeve rezulton se vajza nuk është në të vërtetë motra e Klodian Rashës.

Gongo tha se nuk dihet arsyeja se pse ajo u prezantua si e motra, kur në fakt 25-vjeçari nuk është vëllai i saj.

“Nuk ishte motra e Klodianit dhe nuk di pse u prezantua si e tillë, pse mashtroi. Vajza na u prezantua e shokuar sikur ishte motra e Klodianit”, tha gazetarja.

Ajo ka folur për shumë media, duke thënë se quhej Bora Rasha dhe duke u prezantuar si motra e të ndjerit Klodjan Rasha, por një gjë e tillë nuk është e vërtetë.

Kanë qenë familjarë të Klodjan Rashës të cilët kanë kontaktuar me Top Channel duke thënë se zonja në fjalë nuk ka të bëjë me familjen Rasha.